一次嚴重教訓@田園X舍

依兩日冬家發生大件事, 於16號星期日黃昏1700我地BOOK左九龍城田園X舍游暖水,因為今次係今年第一次下水,我地都準備比冬冬小游一陣就萛, 每5分鐘停一下,冬可能對室內不感興趣所以TOTAL 游左15分鐘就上水沖涼了!

該店係要職員幫狗沖涼的,佢係透明玻璃窗,都可以望入去睇住佢沖, 冬首先沖先, 虎之後,冬沖完後開始吹毛, 講真沖涼的女仔非常操老, D水就咁照佢地頭淋,當時我都睇到黑起塊面....

之後吹毛,佢不斷咁吹冬的頭,冬冬最憎人揾風機吹佢頭, 所以冬冬係咁跳想走..我當時走入去叫佢地吾好吹佢個頭,之後因下場有狗游水,我們只好退出外面等,但遠望係見到冬的,職員係咁叫我地2家人出外食野回來,我當然不會啦, 冬巳經勁吠叫,我同職員講不如我入去抱住佢比你地吹啦,但職員入去一陣出來話,依家改用風筒好左....跟住一個好似老闆男人幫冬吹,好好笑的是佢有佢遠吹,冬係咁係到跳...當我再想沖入去時,佢話冬吹完了,但D底毛係濕的,吾緊要我只想要返冬豬,冬爸即帶冬豬上虎家車等....

到晚上回到家冬爸話冬是否有不適,好似怪怪的,我仲話可能倦啦...但實情游得15分鐘無理由架!

但二朝早上冬無叫要我們食早餐,我地都覺得怪,叫佢行出去頭枱不起,還側埋一邊行,我地好驚即CALL 24小時診所BOOK位...趕去方舟醫院,經照X RAY 後第一節頸椎窄左,醫生話有機會冬跳時扭親肌肉壓住頸椎...心痛死我啦! 醫生放佢落地行話暫時情況都OK叫我地按時比佢食藥再觀察,惡化要即回來...

到左9點正,冬冬睇開灣仔獸院診所的Dr. Ian開門了,我即致同護士講今早情況, 方舟醫院都很好即pass 冬冬今早報告比Dr Ian 睇,當時醫生可以比我地插下午3點半比佢睇睇...

經 Ian 睇後冬冬係初級頸椎問題,食藥可以好起來的, 仲開多左2款放軟神經藥飲冬冬舒服d, Dr Ian 最後講左句,游水攪到咁真係poor gril 啦, 依家要食10日藥,加14日類固醇,仲要圍住空間吾可以比佢跳,往後復原日子都要好好保養!

我同冬爸依2日不停咁流眼淚, 冬冬真係行吾到咁,轉身都好困難,我地好似服侍老狗咁每幾個鐘就同佢轉身,吾想佢訓死一邊....

朋友問有無打去投訴,我話我根本無心加無力,我依家要全心全力咁去照顧冬冬, 因為佢地實會話主人在場佢地好興奮先會咁, 我無心力去同佢地嘈, 我只希望你地吾好去幫襯佢,跟住我網上揾,原來2011年都有一隻叫冬冬都係個到比佢地整親.

你問我會吾會再比人沖,我真係吾會,好大陰影了, 個間野個個都係靚仔靚妹,根本吾識點對d小動物又無耐性, 我朋友話一隻哥基沖加吹只有半小時好似好趕時間咁,又點會咁細心先得架....

今日冬冬情況好左好多,可以行得好暢順,希望佢keep住好起來.